قال الجنوبي لو اموت الموت حق
موتي بيده خالقي رب الجلال
لاخاف من طلقات نار المرتزق
ولا لدبابات واطقم لحتلال
باثور والثورة لمن مثلي احق
ثورة تعيد الحق لصحاب الحلال
من حيف لاصيره لما ساحل عتق
ثورة جنوبيه على درب النضال
باذود عن ارضي لما يلوح الشفق
وش عاد بعد الدم لو يهدر وسال
ساله دماء لبطال والقلب احترق
والان لا للسلميه حان القتال
دم الجنوبي امس بالساحه زهق
هبو نوقف بطش اصحاب الشمال
لا والذي نزل تبارك والفلق
وجرى السحاب العاليه ورسا الجبال
لوتبتلعني الارض لوتنشق شق
ماحيد عن نهجي وتحقيق المنال
جنوبنا بفديك لا اخر رمق
نبذل لك الارواح نرخص كل غال
ويهنى لمن في ساحه العزه شهق
يهني لمن موته لنا فك الغلال
بيسجل التاريخ اسمه في الق
وايلعن التاريخ اشباه الرجال
شهيدنا دمك امانه لو يرق
والله ما ننحاد عن سيرك محال
هذه مبادئ منها الفجر انبثق
ولاح نور الحق من بعد الضلال
دوله جنوبيه بنفحات وعبق
ماضي وبه كنا بامن وستر حال
ستعود دولتنا ويحنق من حنق
بالطيب باترجع وإلا بالنصال
آن الآوان الآن دق اليوم دق
يابن الجنوب الحر ياسيد الرجال
وقولو لمن بالخلف معنا يلتحق
بالقافله يتبع ويلحق بالجمال
لايخسر اصحابه وبصحابه يثق
ماشي معاكم ياقيادتنا مجال
ولا استمرو في عبوديه ورق
هذا لمن عاده على دين الشمال
للناخبي او اي خاين مرتزق
شف مايفيد الرجم لاحل الزوال
للرشد عودو لملمو لا للقلق
وحده مع من خانني هذا محال
وحده فقط ماباقي الا بالورق
اما الحقيقه كذب هذا لو يقال
وحده بيتشدق فقط فيها السرق
اهل الجشع والفيد عباد الريال
ذي مصلحتهم تنتهي لاقد نطق
وحصص الحق الذي نطق بلال
ستعود ارضي لو بلغ مهما بلغ
تجاهل العالم لما يحدث واال
ستعود صيرة والعلم فوق الافق
وشمسان شامخ منتصر فوق الجبال
كما خلق وانعم على عبده فرق
وحنا بنفرق بالطبايع والخصال
ولا عندنا حوثيه اويت فرق
ولا معانا زيديه شفع زلال
منضر عدنا بالدحابش مايلق
فكو قيود الجهل منها والحبال
فكو وطنا من قياهب ذا النفق
هذا فقط من واقع الوحده مثال
في وحلها الشعب الجنوبي قد علق
والآن جيت اكسر قيودي والقفال
جنوبنا نجمك بكوكبنا برق
ولاح من فوق السواحل والتلال
شعبك يتوق لحريه واسمك عشق
ودولته ترجع ويسقط لحتلال
الشاعر/ بن نسر البكري اليافعي
ليست هناك تعليقات:
إرسال تعليق